Խաչատուր Աբովյանի անվան Երեւանի պետական մանկավարժական համալսարանի Կուլտուրայի ֆակուլտետի դեկան Ռուբեն Միրզախանյանը նշանակվել է նույն համալսարանի ռեկտոր:
Հիշեցնենք, որ նախկինում Միրզախանյանը երկար տարիներ եղել է Հայաստանի ռամկավար ազատական կուսակցության ատենապետ եւ ԱԺ պատգամավոր:
Ներկայումս, Միրզախանյանը «Թեքեյան» մշակութային միության նախագահն է:
Երեւանի պետական մանկավարժական համալսարանի արդեն նախկին ռեկտոր Արտուշ Ղուկասյանը մի քանի ամիս շարունակ աշխատանքի չէր գալիս: նա հիվանդության պատճառով գտնվում էր արտասահմանում: