Այսօր տեղի կունենան Չեմպիոնների լիգայի քառորդ եզրափակչի պատասխան մյուս երկու խաղերը: Երեկվա խաղերի կանխատեսումները ճիշտ դուրս եկան: Ես կռահեցի թե՛ «Ռեալի» խաղի արդյունքը, թե այն, որ «Սիթին» կանցնի հաջորդ փուլ: Այսօրվա խաղերից, «Աթլետիկո» Մադրիդ - «Բարսելոնա» խաղը, իհարկե, ավելի ինտրիգային է, քան մյուսը՝ «Բենֆիկա» – «Բավարիա»: Չնայած երկու խաղերում էլ ելքը որոշվելու է այսօր:
«Բարսելոնան» կարող է զարմացնել...
«Բարսելոնան» մրցաշարի ֆավորիտն է: Երբ տեղի էր ունենում վիճակահանությունը, ես կարծում էի, որ միակ թիմը, որը կարող է դուրս հանել գործող չեմպիոնին մրցաշարից՝ «Աթլետիկոն» է: Դիեգո Սիմեոնեի թիմ շատերի կարծիքով խաղում է հակաֆուտբոլ, բայց կարեւորը արդյունք է: Մենք տեսանք, թե ինչպես «Աթլետիկոն» տանը հաղթեց Մադրիդի «Ռեալին»` թույլ չտալով նրա ուժեղ հարձակողական եռյակին դառնալ գոնե մեկ գոլի հեղինակ: Թիմերի առաջին խաղը Բարսելոնայում ավատվեց 2:1 հաշվով:
Դրսում խփած գնդակն արդեն իսկ մեծ առավելություն է մադրիդցիների համար:
«Աթլետիկոն» այս անգամ նույնպես կփորձի խաղալ իր սիրած խաղը՝ փակ ֆուտբոլ եւ հակագրոհներ: 1:0 հաշիվը նրան լիովին ձեռք կտա: Այս խաղում կբացակայի Ֆերնանդո Տորեսը՝ նախորդ խաղի գոլի հեղինակն ու դաշտից հեռացված ֆուտբոլիստը:
Մադրիդցիների գոլի ամենամեծ հույսը, իհարկե, Անտուան Գրիզմանն է, ով Լա Լիգայի վերջին խաղերում դարձել է երկու գոլի հեղինակ:
«Բարսելոնան» իր հերթին սպասելու է Մեսիի 500-րդ գոլին: Արդեն չորս խաղ է արգենտինացին չի կարողանում գրավել մրցակցի դարպասի: Լուիս Սուարեսը Լա Լիգայի վերջին խաղը բաց էր թողել եւ հիմա թարմ ուժերով կմիանա «Բարսելոնային»:
Նախաղաղային մամուլի ասուլիսին Դիեգո Սիմեոնեն ասաց, որ «Բարսելոնան» ավելի ուժեղ է իր թիմից, սակայն «Աթլետիկոն» ի զորու է հաղթել «Բարսելոնային»:
Իր հերթին կապտանռնագույների մարզիչը՝ Լուիս էնրիկեն ասաց, որ «Աթլետիկոն» այն թիմն, է որը գիտի թե ինչպես է պետք խաղալ «Բարսելոնայի» դեմ:
Այս խաղում ամեն արդյունք կարելի է սպասել: Թիմերի հաջորդ փուլ անցնելու հավանականությունը գնատահում եմ «Աթլետիկո» – «Բարսելոնա» 49- 51 %:
Կարծում եմ` կգրանցվի 1:2, կամ 1:1 հաշիվ:
Պայքարը շարունակվում է
«Բավարիան» Լիսաբոնում խաղալու է «Բենֆիկայի» դեմ: Պորտուգալական թիմը, որը տասնամայկաներ շարունակ տանջվում է հանրահայտ Բելա Գուտմանի անեծքից, իր երկրպագուների հետ դժողք է պատրաստել գերմանացիներին: Պեպ Գվարդիոլայի թիմը տանը նվազագույն հաշվով հաղթեց մրցակցիցն՝ դրանով իսկ մրացավեճի ելքը վճռելը թողնելով Լիսաբոնում: «Բենֆիկան» պետք է ամեն գնով դառնա գոլի հեղինակ: Մի կողմից դա ձեռնտու է գերմանացիներին: Մրցակիցը կբացվի, իսկ «Բավարիան» կարողանում է հեշտ պատժել նման խաղի ժամանակ, մյուս կողմից էլ «Յուվենթուսի» հետ վերջին խաղն ապացուցեց, որ «Բավարիայի» հետ պետք է պաշտպանությունից խաղալ: Հատկապես, որ գերմանացիների պաշտպանողական գիծը մեղմ ասած այդքան էլ լավ վիճակում չէ:
«Բավարիայում» գոլի հեղինակ կարող են դառնալ Լեւանդովսկին, Մյուլերը: Ինչո՞ւ չէ նաեւ Նոյերը (դա նրա երազանքն է), իսկ «Բենֆիկայում»՝ Կոնստանտինոս Միտրոգլուն:
Խաաղից առաջ երկու մարզիչներն էլ ասել են, որ ձգտելու են հաղթելու, ինչն էլ, իհարկե, բնական է: Բայց այն, որ «Բավարիան» կարող է դուրս մնալ մրցաշարից անհավանական է թվում:
Այս խաղում ես հավատում եմ «Բավարիայի» հեշտ հաղթանակին՝ 1:3 կամ 0:3 հաշվով:
Վերա Մարտիրոսյան