Հաղորդվում է, որ նոր ծրագիրը նախատեսված է 4 տարվա համար եւ կուղղվի տեղական ինքնակառավարման բարեփոխմանն աջակցությանը, ապակենտրոնացմանը եւ շրջանային զարգացմանը:
Եվրոպական հանձնաժողովը (ԵՀ) եւ Ուկրաինայի կառավարությունը համաձայնագիր են ստորագրել ապակենտրոնացման ծրագրի ֆինանսավորման վերաբերյալ. «U-LEAD-ը Եվրոպայի հետ. Ուկրաինայի համար տեղական մակարդակում իրավունքների եւ հնարավորությունների ընդլայնման, հաշվետվության մեծացման եւ զարգացման» ծրագրի արժեքը 97 մլն եվրո է, հայտնում է «Ուկրաինսկայա պրավդան»:
Հաղորդվում է, որ նոր ծրագիրը նախատեսված է 4 տարվա համար եւ ուղղված է տեղական ինքնակառավարման բարեփոխմանն աջակցությանը, ապակենտրոնացմանը եւ շրջանային զարգացմանը:
Նախօրեին ընդլայնման եւ հարեւանության եվրոպական քաղաքականության եվրոհանձնակատար Յոհաննես Խանը հայտնել է, որ ԵՄ-ը պատրաստ է Ուկրաինային տրամադրել 600 մլն եվրո օգնության երկրորդ տրանշը:
Նա հավելել է, որ օգնությունը կտրամադրվի ԱՄՀ-ի առջեւ բարեփոխումների պարտավորությունների կատարման պայմանով: