Չեխիան միշտ խստորեն դեմ է հանդես եկել ցանկացած ագրեսիայի: Այս մասին ապրիլի 22-ին «Եռաբլուր» պանթեոնում հայտարարեց Չեխիայի Պատգամավորների պալատի փոխնախագահ Յան Բարտոշեկը՝ պատասխանելով Լեռնային Ղարաբաղի դեմ Ադրբեջանի ագրեսիայի մասին հարցին:
Նրա խոսքով, Լեռնային Ղարաբաղի հակամարտությունն անհրաժեշտ է լուծել բացառապես խաղաղ ճանապարհով:
NEWS.am-ի թղթակցի դիտարկմանը, թե Ադրբեջանը խախտել է 1994 թվականի մայիսի 12-ից գործող հրադադարի ռեժիմը, չեխ պաշտոնյան կրկնեց, որ իրադրությունը հարկավոր է լուծել խաղաղ ճանապարհով:
«Սա նաեւ միջազգային կազմակերպությունների խնդիրն է, որոնք պետք է մանրամասն դիտարկեն միջազգային պայմանագրերի խախտման բոլոր դեպքերը», ընդգծեց Յան Բարտոշեկը: