Մի ցեղասպանության վերջը միշտ մյուսի պոտենցիալ սկիզբն է: Այս մասին «Ընդդեմ ցեղասպանություն հանցագործության» 2-րդ գլոբալ ֆորումում ունեցած ելույթում հայտարարեց ԱՄՆ Սթոքթոնի համալսարանի Հոլոքոստի ուսումնասիրության եւ ցեղասպանագիտության մագիստրական ծրագրի տնօրեն, պրոֆեսոր Էլայզա ֆոն Ջոդեն-Ֆորջին:
Նրա խոսքով, փախստականների հոսքերը ցեղասպանության ռազմավարության անքակտելի մասն են: Մերձավոր Արեւելքի քրիստոնյա համայնքները, ըստ նրա, ներկայում ցեղասպանության են ենթարկվում:
«Մենք պետք է լայնախոհ լինենք: Պետք է ցեղասպանության դեմ պայքարի գործին ներգրավենք հասարակության տարբեր շերտերի ներկայացուցիչների»,- նշեց ամերիկացի պրոֆեսորը:
