Սանտա Անեում ՀԴԲ աշխատակիցները կալանավորել են հինգ մարդու, որոնց կասկածում են անձնական տեղեկություններ գողանալու, խաբեության, նաեւ փողեր լվանալու մեջ: Կասկածյալները Հայաստանի, Վրաստանի ու Չեխիայի քաղաքացիներ են
Լոս Անջելեսի դաշնային դատախազի տվյալներով, կալանավորված են 34-ամյա Էդուարդ Աստվածատրյանը Գլենդելից, 24-ամյա Հռիփսիմե Ավագյանը Բերբանկից, 46-ամյա Արմեն Մկրտչյանը Գլենդելից, 54-ամյա Սարգիս Թաբաջյանը Արեւմտյան Հոլիվուդից, 31-ամյա Արտաշ Ստեփանյանը Գլենդելից:
Ըստ աղբյուրի՝ Գլենդելի բնակիչ Էդուարդ Աստվածատրյանը բացել է առնվազն 17 բանկային հաշիվ, որպեսզի իր հանցակիցների հետ միասին դրանց վրա փոխանցի անազնիվ ճանապարհով վաստակած գումարները:
Ոստիկանությունը նաեւ որոնում է 43-ամյա Մխիթար Մկրտչյանին Սիլմարից, 45-ամյա Կարեն Պողոսյանին Սան Վելլիից, 23-ամյա Կոսնտանտին Գալստյանին Սիլմարից, Ջեյն Դոուին ու Ջոն Դոուին, որոնցից յուրաքանչյուրը, ըստ դատախազի, զբաղվել է հարկային ու բանկային խաբեությամբ:
Իրավապահ մարմինների ներկայացուցիչները նշում են, որ ձերբակալվածների գործողությունները IRS–ին 14 մլն դոլարի վնաս են հասցրել:
