Ընտրական օրենսգրքի հարցը պետք է լուծվեր կոնսեսուսի հիման վրա, դա տեղի չունեցավ, որի պատճառով ՀԱԿ-ը առկախում է Ընտրական օրենսգրքի քննարկումներին իր մասնակցությունը: Այս մասին այսօր՝ ապրիլի 25-ին, ԱԺ-ում ասել է խմբակցության ղեկավար Լեւոն Զուրաբյանը։
Նրա խոսքով՝ ժողովրդի համախմբման գործողությունները չեն կարող կախված լինել իշխանություններից եւ չեն կարող քաղաքական սակարկության առարկա լինել։ Սակայն, ցավոք, ՀՀ իշխանությունների գործողությունները չեն վկայում, որ իրենք պատրաստ են հասարակությանն ընդառաջ գնալ։ «Իշխանությունները ապրիլի 17-ին Հրազդանի քաղաքապետի ընտրություններն անցկացրել են ավանդական կեղծման մթնոլորտում։ Բացի այդ, իշխանությունները չեն ընդունել ԸՕ վերաբերյալ ընդդիմության 5 պահանջներից ոչ մեկը։ Մենք ադեկվատություն ենք պահանջում։ Այդ պատճառով ՀԱԿ-ը դադարեցնում է իր մասնակցությունը ԸՕ քննարկումներին»,- նշել է Զուրաբյանը։