Հայաստանում ընտրացուցակները պետք է պաշտպանված լինեն պաշտոնյաների կամային ձեւափոխումներից։ Այս մասին ապրիլի 26-ին խորհրդարանում ասել է Կառավարության աշխատակազմի ղեկավար Դավիթ Հարությունյանը։
Նրա խոսքով՝ մարդիկ, որոնք կկազմեն այդ ցուցակները, ոչ թե քաղաքական, այլ մասնագիտական պաշտոններ են զբաղեցնում։ Այդուհանդերձ, նրանք անգամ ցանկության դեպքում չպետք է կամայականություն ցուցաբերեն։ «Ծրագրային ապահովումը, որը կգործի քաղաքացիների անձնական տվյալների համար, պետք է տեխնիկական աուդիտ անցնի, իսկ քվեարկությունից 30 օր առաջ դրան պետք է ծանոթանան բոլոր քաղաքական ուժերը»,- ասել է Դավիթ Հարությունյանը։