Նեպալի քաղաքացին, որը Հոնկոնգում տարանցմամբ Սեուլից Կատմանդու էր ուղեւորվում, փորձել է օդանավում ինքնասպան լինել: Cathay Pacific ավիաընկերության ուղեկցորդուհիները ստիպված են եղել սպասել վայրէջքին, որպեսզի դուրս բերեն զուգարանում փակված տղամարդուն: Այս մասին գրում է Lenta-ն՝ վկայակոչելով The Standart-ը:
Հոնկոնգում վայրէջքից առաջ, երբ ուղեւորներն ու անձնակազմի անդամները նստել են իրենց տեղերն ու ամրացրել ամրագոտիները, 31-ամյա տղամարդը զուգարան է գնացել: Ուղեկցորդուհիները փորձել են նրան կանգնեցնել, բայց չեն հասցրել:
Երբ վայրէջքից հետո բացել են զուգարանի դուռը, պարզվել է, որ տղամարդը փորձել է ինքնասպան լինել. նրա պարանոցը պատված է եղել բջջային հեռախոսի պատյանի կափարիչից մնացած արնոտ հետքերով:
