Օրվա ընթացքում ղարաբաղա-ադրբեջանական հակամարտ զորքերի շփման գծում հաստատված հարաբերական անդորրը ժամը 17:40-ի սահմաններում խախտվել է հակառակորդի կողմից: Ադրբեջանական զինուժը 82 միլիմետրանոց ականանետերից սկսել է արկակոծել Մարտակերտի ուղղությամբ տեղակայված պաշտպանության բանակի մարտական դիրքերը (14 արկ):
Շփման գծի հյուսիս-արեւելյան ուղղությամբ նկատվել է նաեւ հակառակորդի տեխնիկայի շարժ:
ՊԲ առաջապահ ստորաբաժանումները ուշադիր հետեւում են առաջնագծում տեղի ունեցող զարգացումներին եւ իրենց պատժիչ գործողություններով ճնշում հակառակորդի ակտիվությունը: