Չինաստանում ներկայացվել է ռոբոտ-աղջկա մասին CCTV հեռուստալիքի նկարահարած տեսանյութը: Երկրի գիտատեխնիկական համալսարանի Ցզյա Ցզյա անունով ռոբոտը երիտասարդ ասիացի աղջիկ է, որին առաջին հայացքից դժվար է տարբերել մարդուց:
Ըստ Gazeta-ի, ռոբոտի մաշկը սիլիկոնից է, իսկ որպես արտաքինի նախատիպ վերցրել են համալսարանի հինգ ուսանողուհիների արտաքինը:
Ցզյա Ցզյան կարողանում է տարուբերել գլուխը, թարթել աչքերն ու շարժել ձեռքերը: Բացի այդ, ռոբոտ-աղջիկը կարող է ճանաչել իր տիրոջ ձայնը եւ նրան «վարպետ» կոչել: Նա նաեւ կարող է զրույց վարել: Իսկ երբ «վարպետն» ասում է, որ պատրաստվում է գնալ քնելու, Ցզյա Ցզյան բարի գիշեր է մաղթում եւ խնդրում չխռմփալ՝ մյուսներին չանհանգստացնելու համար:
