Google ընկերությունը Ford եւ Volvo ավտոարտադրողների, ինչպես նաեւ Uber եւ Lyft տաքսի ծառայությունների հետ միավորման մասին համաձայնություն են կնքել՝ ԱՄՆ-ում առանց վարորդի ավտոմեքենաների տեղաշարժը կարգավորելու համար: Այս մասին գրում է USA Today-ը:
Ըստ Gazeta-ի, ալյանսը կգլխավորի Դեւիդ Սթրիքլենդը, որն ավելի վաղ ԱՄՆ-ի անվտանգ երթեւեկության ազգային վարչության (NHTSA) ղեկավար կազմում է եղել:
NHTSA-ում համաձայնել են Google-ի դիրքորոշման հետ այն մասին, որ ընկերության մեքենաներում ինքնավար կառավարման համակարգը հարկավոր է դիտարկել որպես վարորդ:
Google-ը պնդում է, որ մեքենաներն անվտանգ կդառնան, եթե մարդիկ ընդհանրապես չկարողանան միջամտել դրանց կառավարմանը: Փոխարենը մեքենաները կկառավարի արհեստական ինտելեկտի համակարգը, որը որոշումներ կընդունի ցուցիչների, տեսախցիկների եւ քարտեզների ներկայացրած տվյալների հիման վրա: