«Իսլամական պետության» (ԻՊ) ահաբեկիչները Թուրքիայում բուժում են ստանում, հայտնել է Համատեղ անվտանգության պայմանագրի կազմակերպության գլխավոր քարտուղար Նիկոլայ Բորդյուժան` ելույթ ունենալով Մոսկվայում միջազգային անվտանգության համաժողովին: «Եվ այսօր ԻՊ գրոհայինները ռեաբիլիտացիա են անցնում եւ բուժում են ստանում Թուրքիայի տարածքում», - ասել է Նիկոլայ Բորդյուժան, հայտնում է «Ինտերֆաքսը»:
Նրա խոսքով, այդպես էր նաեւ 90-ականներին` չեչենական պատերազմի ժամանակ: «Այն ժամանակ եւս գրոհայինները ռեաբիլիտացիա էին անցնում եւ բուժում էին ստանում Թուրքական Հանրապետության տարածքում», - ասել է ՀԱՊԿ գլխավոր քարտուղարը: