Գերմանական գամփռը օգնել է ամերիկյան Ֆլորիդայի նահանգում այրվող տնից փրկել երկու երեխայի:
Ֆիզեր ընտանիքի հարեւանները կրակ են նկատել եւ հրշեջների են կանչել: Տանն է գտնվել Մաքս շունը, որը հրշեջ ծառայության աշխատակիցներին տարել է ներսում գտնվող երկու եւ չորս տարեկան երեխաների մոտ:
Երեխաներն ու նրանց ծնողները հիվանդանոց են տեղափոխվել, նրանց վիճակը գնահատվում է որպես կայուն: Ընտանիքի տունն այրվել է, հայտնում է Gazeta-ն` վկայակոչելով People-ին:
GoFundMe կայքում միջոցներ են հավաքվում բժշկական, անասնաբուժական եւ այլ ծախսերի համար: Անհրաժեշտ 75 հազար դոլարից հավաքվել է ավելի քան 15 հազար դոլարը:
Մաքսի մոտ ծխից թունավորում են ախտորոշել, նրան արդեն օգնություն են տրամադրել: