Ստամբուլի Ֆաթիհի շրջանի Քումքափը թաղամասում տղամարդը պատշգամբից 30 հազար լիրա է (11 հազար դոլար) շաղ տվել։

Թուրքական Cumhuriyet-ի փոխանցմամբ՝ Սեմիհ Բուլութ անունով տղամարդը մտել է Քումքափը թաղամասում գտնվող բանկը, թալանել դրամարկղում գտնվող 30 հազար լիրան, բարձրացել շենքի երկրորդ հարկի պատշգամբներից մեկը եւ փողերը շաղ տվել ներքեւ։

Բանկի աշխատակիցների ահազանգի հիման վրա դեպքի վայր մեկնած ոստիկաններին հաջողվել է 4 ժամ անց ձերբակալել Սեմիհ Բուլութին, ով զինված քայլում էր պատշգամբում։

Նշվում է, որ Սեմիհ Բուլութի հայրը 4 տարի առաջ տարածք էր վաճառել բանկին, սակայն բանկը խաբեությամբ չի վճարել նախապես պայմանավորված գումարը, ինչն էլ ստիպել է  Սեմիհ Բուլութին վրեժ լուծել այդ տարբերակով։