Բելգիայի բնակիչներին յոդ պարունակող հաբեր կբաժանեն, որպեսզի թուլացնեն օրգանիզմի վրա ռադիացիայի ազդեցությունը։
Երկրի Առողջապահության նախարարության տեղեկություններով՝ կառավարությունը հակաճառագայթային դեղահաբերի կանխարգելիչ բաժանման գոտին 20 կմ-ից ընդլայնել է մինչեւ 100 կմ։ Հաշվի առնելով, որ ԱԷԿ-ը գտնվում է Վալոնիայում եւ Ֆլանդրիայում, պոտենցիալ վտանգավոր գոտում է հայտնվել թագավորության գրեթե ամբողջ բնակչությունը, գրում է La Libre-ն։
Անցյալ շաբաթ Գերմանիայի շրջակա միջավայրի պաշտպանության, միջուկային ռեակտորների կառուցման եւ անվտանգության հարցերի նախարար Բարբարա Հենդրիքսը Բելգիային կոչ էր արել դադարեցնել Ֆլանդրիայի «Դուլ» ԱԷԿ-ի երրորդ ռեակտորի եւ Վալլոնիայում «Տիանժ» ԱԷԿ-ի երկրորդ ռեակտորի շահագործումը, քանի դեռ անվտանգության ապացույցներ չեն ստացվել։