Եվրահանձնաժողովը համոզված է, որ Թուրքիայում հայտնված սիրիացի փախստականներն ուզում են ոչ թե Եվրամիություն գալ, այլ տուն գնալ: Այդ մասին հայտնել է ԵՀ-ի առաջին փոխնախագահ Ֆրանց Տիմմերմանսը:
«Այդ պատճառով անհրաժեշտ է կրկնապատկել մեր աջակցությունը միջազգային հանրության` Սիրիայում խաղաղության հաստատման ուղիների փնտրտուքի գործողություններին, որպեսզի այդ մարդիկ կարողանան սկսել իրենց երկրի վերականգնումը», — ասել է Տիմմերմանսը, ելույթ ունենալով Եվրախորհրդարանի պատգամավորների առաջ: Նա հայտնել է, որ ներկա պահին անդամ երկրները հազար մասնագետ են ուղարկել Հունաստան ԵՄ-Թուրքիա պլանի իրականացման համար: Քաղաքական գործիչն աննախադեպ է կոչել Եվրոպայի երկրների համագործակցությունը միգրացիոն ճգնաժամի դեմ պայքարում:
Տիմմերմանսը պատգամավորներին նաեւ հայտնել է, որ ԵՀ-ն Թուրքիայի հետ ակտիվորեն քննարկում է փախստականներին օգնության նախագծերի իրականացումը, որոնց համար ԵՄ-ն Անկարային երեք մլրդ եվրո է հատկացնում, հայտնում է «ՌԻԱ Նովոստին»: