Beeline-ը հայտարարում է My Beeline Armenia հավելվածի գործառնական հնարավորությունների ընդլայնման եւ eShop օնլայն խանութի գործարկման մասին: Հավելվածի ընդլայնված գործառնությունները հնարավորություն են տալիս ստանալ տեղեկատվություն զանգերի, SMS-հաղորդագրությունների եւ ինտերնետ տրաֆիկի վերաբերյալ հենց հավելվածում կամ բաժանորդի էլեկտրոնային փոստին: Իսկ eShop օնլայն խանութը հնարավորություն է տալիս կատարել պատվերներ անմիջապես հավելվածի միջոցով առանց տանից դուրս գալու:
«Հավելվածի նոր տարբերակը դարձրել ենք ավելի հարմարավետ՝ հաշվի առնելով մեր հաճախորդների բազմաթիվ ցանկությունները ինտերֆեյսի դիզայնի հետ կապված: Մենք նաեւ ավելացրել ենք զանգերի վերաբերյալ տեղեկատվություն ստանալու հնարավորություն եւ գործակել ենք eShop նոր նախագիծը, որի օգնությամբ հնարավոր է կատարել օնլայն պատվերներ եւ անվճար առաքման միջոցով ստանալ SIM-քարտ, սմարթֆոն կամ ինտերնետ սակագնային փաթեթով մոդեմ: Հաճախորդները կարող են նաեւ օնլայն հայտ բացել եւ տեղափոխել իրենց հեռախոսահամարը մեր ցանց։ Սակայն նորացված տարբերակի առավելություններն այսքանով չեն սահմանափակվում: Հավելվածի օգտագործումը մեր բաժանորդների շրջանում խթանելու նպատակով մենք իրականացնում ենք ակցիա, որը հնարավորություն է տալիս հաճախորդին «Մեգա» բջջային ինտերնետի ծառայությունների փաթեթներից որեւէ մեկին միանալով ստանալ ինտերնետի կրկնակի ծավալ», - նշեց Հայաստանում Beeline-ի Գլխավոր տնօրեն Անդրեյ Պյատախինը:
My Beeline Armenia հավելվածի բաժանորդները հնարավորություն ունեն միացնել կամ անջատել կապի ծառայությունները, ստանալ հաշվի վերծանում, սակագնային փաթեթի եւ միացված ծառայությունների վերաբերյալ տեղեկատվություն, կապ հատատել մասնագետի կամ «Օնլայն խորհրդատուի» հետ, ինչպես նաեւ հարց ուղղել` գրելով հաղորդագրություն Facebook սոցիալական ցանցում Beeline Armenia պաշտոնական էջին:
Հավելվածը հնարավոր է տեղադրել iOs, Android, Windows օպերացիոն համակարգերով աշխատող հեռախոսների, պլանշետների եւ այլ սարքավորումների վրա:
Հավելավծն աշխատում է երեք լեզվով՝ հայերեն, ռուսերեն եւ անգլերեն։ Այն անվճար ներբեռնման համար հասանելի է Play Store, App Store и Marketplace օնլայն խանութներում: «My Beeline Armenia» հավելվածը հասանելի է նաեւ վեբ տարբերակով` app.beeline.am հղումով:
Նշենք, որ «Mega 150+», «Mega 300+» եւ «Mega 500+» շարժական ինտերնետի ծառայություններին միանալով մինչեւ մայիսի 31-ը ներառյալ` բաժանորդները կստանան գերարագ ինտերնետի կրկնակի ծավալ: