Մեր բոլոր ընտանիքների զավակներն էլ այսօր իրենց պարտքը կատարում են իրենց հայրենիքի հանդեպ, եւ ես կարծում եմ, որ դա ներկայացնում է մեր ամբողջ հասարակության սպեկտորը: Այս մասին այսօր՝ ապրիլի 28-ին, կառավարության նիստի ավարտից հետո լրագրողների հետ զրույցում նշել է ՀՀ աշխատանքի եւ սոցիալական հարցերի նախարար Արտեմ Ասատրյանը՝ անդրադառնալով հարցին, թե ինչո՞ւ են առաջնագիծ տարվել հիմնականում սոցիալապես անապահով ընտանիքների երեխաները:
Հարցին, թե կարո՞ղ է նշել մեկ պաշտոնյայի կամ մեծահարուստի անուն, ում երեխան այս պահին առաջնագծում է, նախարարը պատասխանել է, որ այդպիսի տեղեկատվություն չունի, որպեսզի կոնկրետ անուններ նշի. «Բայց ես բազմաթիվ պետական պաշտոնյաների գիտեմ, որոնց զավակներն այսօր ծառայում են Հայաստանի Հանրապետությանը»,-ասել է նա: