Տավուշի մարզի Կողբ գյուղի 22 ընտանիքներ 9 մլն դրամ օգնություն կստանան։ Այս մասին համապատասխան որոշումն ընդունվել է ապրիլի 28-ին Կառավարության նիստում։
Տարածքային կառավարման եւ զարգացման նախարար Դավիթ Լոքյանի խոսքով՝ օգնությունը հատկացվում է 27.5 հա բերքի վնասը հատուցելու համար։ «Գյուղացիները չեն կարողացել բերք հավաքել ադրբեջանական ագրեսիայի պատճառով»,- ասել է Լոքյանը։