Ապրիլի 27-ի լույս 28-ի գիշերը հակառակորդի հրետակոծությունից Ներքին Հոռաթաղում վնասվել է էլեկտրամատակարարման ցանց: Այս մասին NEWS.am-ին ասաց Մարտակերտի շրջանի վարչակազմի ղեկավար Վլադիկ Խաչատրյանը:
«Էլեկտրալար էր կտրվել, հիմա արդեն սարքել են»,- նշեց նա:
Ներքին Հոռաթաղի վրա այս գիշեր ընկած արկերի քանակը երկուսն է:
Հիշեցնենք, որ գիշերը արկեր են ընկել նաեւ Մարտակերտ քաղաքում, Մատաղիս գյուղում: