Ապրիլի 25-ին, ժամը 01.45-ին, հիվանդանոցից ոստիկանության Չարբախի բաժանմունքում հաղորդում է ստացվել, որ «ճակատային շրջանի քերծված վերք՝ աջից, աջ ուսահոդի սալջարդ» ախտորոշմամբ բուժօգնության է դիմել 18-ամյա երիտասարդ, ով հիվանդանոցում հայտարարել է, որ վնասվածքը ստացել է իրենց բակում հեծանիվից վայր ընկնելու հետեւանքով:
Ոստիկանության մամուլի ծառայությունից NEWS.am-ին հայտնում են, որ ապրիլի 27-ին ոստիկանության Չարբախի բաժանմունքի ծառայողները պարզել են, որ ապրիլի 24-ին, ժամը 18.00-ին, «ՎԱԶ-2107» մակնիշի ավտոմեքենայի 25-ամյա վարորդը Արարատյան փողոցի թիվ 90/2 հասցեի մոտ վրաերթի է ենթարկել երիտասարդին:
Վարորդը հրավիրվել է բաժին եւ տվել խոստովանական բացատրություն:
Կատարվում է քննություն:
