Ղարաբաղում վերջին պատերազմի հիմքում ընկած էր Էրդողան-Ալիեւ պայմանավորվածությունը, որպեսզի սլաքները որոշակի պահի ուղղվեն Սիրիայից այլ կողմ եւ Թուրքիան շունչ քաշելու ժամանակ ունենա: Այդ մասին ապրիլի 28-ի մամուլի ասուլիսին հայտնել է քաղտեխնոլոգ Կարեն Քոչարյանը:
Նրա խոսքով, Ադրբեջանի նպատակն էր բլիցկրիգի միջոցով առաջանալ եւ ստատուս քվո արձանագրել նոր իրավիճակի համար: «Հասկանալի է, որ Ադրբեջանը շատ լուրջ ներքաղաքական եւ տնտեսական խնդիրներ ունի: Այսինքն Ալիեւին անհրաժեշտ էր ինչ-որ բան ցույց տալ ադրբեջանական հանրությանը եւ պատերազմն օգտագործել իր հետագա գործողությունների համար», - նշել է Քոչարյանը: Բայց այստեղ, շարունակել է նա, խնդիրը մի քիչ ավելի լայն է: «Առկա է Սիրիայի խնդիր, բավականին նյութական բնույթ են սկսում ձեռք բերել Իրաքի, Սիրիայի եւ, բնականաբար, Թուրքիայի տարածքում Քուրդիստանի ստեղծման վերաբերյալ խոսակցությունները: Դա Թուրքիային ձեռնտու չէ», - հավելել է Կարեն Քոչարյանը: