Փոքր բիզնեսին ժամանակ կտան նոր սերնդի դրամարկղային ապարատներով աշխատանքը սկսելու համար։ Այս մասին համապատասխան որոշումն ընդունվել է ապրիլի 28-ին ՀՀ կառավարության նիստում։

Նիստի ժամանակ ՊԵԿ փոխնախագահ Վախթանգ Միրումյանը նշեց, որ ավելի վաղ պլանավորվում էր պարտադիր կարգով ապարատները մինչեւ մայիսի 1-ը շրջանառության մեջ մտցնել այն ընկերությունների համար, որոնց տարեկան ապրանքաշրջանառությունը կազմում է 10-58.3 մլն դրամ։ Հիմա հին հաշվիչներով հնարավոր կլինի աշխատել մինչեւ 2017թ.։

Ինչ վերաբերում է անդորրագրերի վրա մատակարարի անունը նշելու պահանջին, ապա դա փոքր ձեռնարկությունների համար առաջարկում են կիրառել այն բանից հետո, երբ գործընթացը կավարտվի խոշորների մոտ։ Այս դեպքում ժամկետները մայիսի 1-ից հետաձգվել են օգոստոսի 1-ը։