Պատերազմը ձեռնտու է Ադրբեջանին, ոչ թե Հայաստանին, սակայն եթե Ադրբեջանը լայնամասշտաբ պատերազմ սկսի, մենք արժանի պատասխան կտանք: Այս մասին այսօր՝ ապրիլի 28-ին Ազգային ժողովում ասաց, ՀՀԿ-ական պատգամավոր, գեներալ Սեյրան Սարոյանը, ով ժամեր առաջ է վերադարձել Արցախից:
«Մեր դիմացը թուրք ա, հո մեր քեռու տղեն չի, չեն հասկանում: Բայց մեր զինվորները, կամավորականները ամուր կանգնած են, եթե մենք զենք զինամթերք չունենայինք չէինք կարա իրանց լռեցնենք:
Հայկական կողմը երբեք նախահարձակ չի լինի, մեզ հարմար չի պատերազմը: Էդ Ադրբեջանն ա, որ պատերազմ ա ուզում, բայց եթե իրանք լայնամասշտաբ պատերազմ սկսեն, մենք արժանի պատասխան կտանք»,-ասաց նա:
Գեներալը նշեց, որ հայկական զինուժը վերահսկում է իրավիճակը: «Սահմանին կանգնած զինվորը ոչ մի բանի պակաս չունի, իսկ կամավորաանները ավելի շատ են օգնում, դուխ են տալիս»,-ավելացրեց Սարոյանը:
