Անհասկանալի է, թե ինչով ընդդիմությանը չի գոհացնում Հրազդանի ցեմենտի գործարանը։ Այս մասին ապրիլի 28-ին ՀՀ խորհրդարանում ասել է ՀՀԿ պատգամավոր, էկոնոմիկայի խորհրդարանական հանձնաժողովի նախագահ Վարդան Այվազյանը՝ պատասխանելով Հրանտ Բագրատյանի հարցին։

«Ընդհանուր առմամբ անցյալ տարիներին պետության կողմից բիզնեսին վճարվել է 245 մլրդ դրամ։ Դրանից հետո անհասկանալի է, թե ինչու է ընդդիմությունը ափսոսում եւս 500 մլն դրամը Հրազդանի ցեմենտի գործարանի համար։ Դա թույլ կտար մի քանի հարյուր մարդու լիարժեք աշխատել»,- հավելեց Այվազյանը։

Հիշեցնենք, որ ՀՀ խորհրդարանը ապրիլի 26-ին չհաստատեց Հրազդանի ցեմենտի գործարանի պարտքերը ներելու մասին օրինագիծը։ Օրինագծով նախատեսվում էր ներել «Հրազդան ցեմենտի» ընդհանուր 935 մլն դրամ հարկային պարտավորույթունների 510.1 մլն դրամ տույժերը։ Գործարանը պարտքերը կուտակել էր նախկին սեփականատեր Միխայիլ Բաղդասարովի օրոք։