Նոր տարվա նախօրեին Քյոլնում կանանց վրա հարձակումների գործով գլխավոր կասկածյալներին ձերբակալել են Շվեյցարիայի տարածքում:
Իրավապահ մարմինները ապրիլի 27-ին 19-ամյա երիտասարդին նկատել են Շվեյցարիային սահմանակից Կոնստանց գերմանական քաղաքում, երբ նա իր 24-ամյա հանցակցի հետ գողություն էր կատարում տեղի խանութից: Անվտանգության ծառայության աշխատակիցը քողարկված հետեւել է նրան դեպի հարեւան պետության տարածք` Կրոյցլինգեն քաղաք, որտեղ երիտասարդը ձերբակալվել է:
«Այնտեղ գտնվող սահմանապահներից մեկը համարել է, որ ճանաչել է տղամարդուն, որպես Նոր Տարվա նախօրեին Քյոլնում տեղի ունեցած իրադարձությունների գլխավոր մեղավորի», — ասված է ԳԴՀ-ի ոստիկանության հայտարարության մեջ: Շատ շուտով կասկածյալը կարտահանձնվի ԳԴՀ-ին, հայտնում է «ՌԻԱ Նովոստին», վկայակոչելով AFP-ին:
Նոր տարվա գիշերը միգրանտների եւ փախստականների կողմից զանգվածային հարձակումներ էին տեղի ունեցել Քյոլնի եւ գերմանական այլ քաղաքների բնակչուհիների եւ բնակիչների վրա: Քյոլնի ոստիկանություն, որտեղ տեղի է ունեցել հարձակումների մեծ մասը, գործակալության տվյալներով արդեն ավելի քան 1500 հայց է ներկայացվել, բողոքների մեկ երրորդը կապված է սեռական բնույթի հանցագործությունների հետ: Նաեւ բազմաթիվ գողություններ են արձանագրվել: