Ապրիլի 28-ին արտգործնախարար Էդվարդ Նալբանդյանն ընդունեց «Տավիթյան» հիմնադրամի նախագահ Ասո Տավիթյանին։
Ողջունելով հյուրերին՝ նախարար Նալբանդյանը բարձր գնահատեց «Տավիթյան» հիմնադրամի գործունեությունը հայ երիտասարդների կրթության, վերապատրաստման գործում։ Հայաստանի արտաքին քաղաքական գերատեսչության ղեկավարը կարեւորեց հիմնադրամի եւ ՀՀ ԱԳՆ միջեւ հաստատված համագործակցությունը:
Ասո Տավիթյանը վստահեցրեց, որ իր ստեղծած հիմնադրամի գործունեությունն՝ ի նպաստ Հայրենիքի, շարունակական բնույթ է կրելու։
Նախարար Նալբանդյանը ներկայացրեց Ադրբեջանի կողմից Արցախի դեմ սանձազերծված ագրեսիվ ռազմական գործողությունների հետեւանքների հաղթահարմանն ուղղված՝ Հայաստանի եւ ԵԱՀԿ Մինսկի խմբի համանախագահների ջանքերը։
Մտքեր փոխանակվեցին միջազգային եւ տարածաշրջանային խնդիրների եւ դրանց լուծման ուղիների վերաբերյալ։