«Սիրիան վճռականորեն դատապարտում է ԱՄՆ-ի կողմից աղաղակող ագրեսիան, որը, առանց սիրիական կառավարության համաձայնության, նրա տարածք է ուղարկել 150 ամերիկացի զինվորի, ինչն անընդունելի է եւ անօրինական», - ասված է Սիրիայի ԱԳՆ-ի հայտարարության մեջ, որը տարածվել է ՍԱՆԱ լրատվական գործակալության կողմից: «Սիրիան մտահոգություն է հայտնում այն կապակցությամբ, որ Ռմելանի շրջան է եկել ամերիկացի 150 զինծառայող, ինչը երկրի ինքնիշխանության կոպիտ խախտում է եւ հակասում է միջազգային օրենքներին: Սիրիան, որի ժողովուրդը եւ բանակը շարունակում են դիմակայել ԻԼԻՊ, «Ջեբհաթ ան-Նուսրա» եւ այլն ահաբեկչական կազմակերպությունների, հանդես է գալիս տվյալ ագրեսիայի դեմ եւ միջազգային հանրությանը կոչ է անում համապատասխան միջոցներ ձեռնարկել տվյալ առիթով», - ասված է Սիրիայի ԱԳՆ-ի հայտարարության մեջ:
