Լեռնային Ղարաբաղում հողերի հանձնում չի լինելու: Այս մասին Արցախի Հանրային Հեռուստատեսությանը եւ «Մեդիատոն» ընկերությանը տված հարցազրույցում ասել է Արցախի Հանրապետության նախագահ Բակո Սահակյանը:
«Ես տեղյակ եմ հողերի վերադարձի հետ կապված քննարկումների, մեկնաբանությունների մասին, կցանկանայի, որ դադարեցնենք անհիմն քննարկումները»,- ասել է նա:
Բակո Սահակյանը հորդորել է հակասություններ չփնտրել Հայաստանի եւ Արցախի տեսակետների միջեւ:
«Անհրաժեշտ է դադարել հակասություններ փնտրել Հայաստանի եւ Արցախի տեսակետների միջեւ: Այդպիսի բան չի կարող լինել: Մենք գործ ունենք համազգային նշանակության խնդրի հետ, չենք կարող ունենալ հակասություններ: Մենք իրականացնում ենք հետեւողական աշխատանքներ եւ դեռ այս պահի դրությամբ չենք ստացել Ադրբեջանի կողմից առաջին եւ հիմնական պատասխանը՝ ընդունում են նրանք մեր անկախությունը, թե չէ: Եթե չէ, ապա այն, ինչ քննարկվում է, այն, ինչ խոսվում է, առ ոչինչ են»,- ասել է նա:
