Արցախն փորձելու է այնպես անել, որ բանակցային գործընթաց սկսելու դեպքում ներգրավվի որպես լիարժեք կողմ: Այս մասին Արցախի Հանրային Հեռուստատեսությանը եւ «Մեդիատոն» ընկերությանը տված հարցազրույցում ասել է Արցախի Հանրապետության նախագահ Բակո Սահակյանը:
«Բանակցային գործընթացում առանց Արցախի Հանրապետության մասնակցության անհնար է այս հիմնախնդիրը լուծել, որովհետեւ չկա մի հավանական զարգացում, որպեսզի առանց մեր մասնակցության այս խնդիրը ստանա իր լուծումը: Այդպիսի բան չի լինելու»,- ասել է Բակո Սահակյանը:
Բակո Սահակյանը նշեց, որ չնայած այդ մոտեցմանը, իրենց համար խանգարված ձեւաչափով բանակցությունները մի քանի անգամ նախընտրելի են պատերազմական գործողություններից, ինչն էլ իր հերթին չի նշանակում, թե իրենք հրաժարվում են իրենց դիրքորոշումից:
Բակո Սահակյանը նշել է նաեւ, որ այս պահին բանակցային գործընթացի հնարավորություն չի տեսնում:
«Այն, ինչ թույլ է տվել Արբեջանը, երեւէ կերպ չի խոսում այն մասին, որ մոտ ապագայում մենք վերադառնալու ենք բանակցային սեղանի շուրջ»,- ասել է նա:
