«Իսլամական պետություն» խմբավորման զինյալները սկսել են ձկնամթերք եւ ավտոմեքենաներ վաճառել: Այս մասին հաղորդել են իրաքյան դատական համակարգի պաշտոնյաները:
«Ահաբեկիչների ֆինանսավորման սխեման փոփոխությունների է ենթարկվել՝ շուրջ 2 տարի առաջ խալիֆայության հռչակումից ի վեր: Երբ բանակը վերահսկողություն հաստատեց նավթի մի քանի հանքերի նկատմամբ, նրանց փող վաստակելու եւ զինյալներին վճարելու այլ միջոցներ գտան»,- հայտնել է դատավոր Ջաբբար Աբիդ ալ-Հուջեյմին:
Նրա տեղեկացմամբ, իրաքյան լճերում ձկնորսությունն ու ավտոմեքենաների վաճառքն ահաբեկչական կազմակերպությանն ամեն ամիս միլիոնավոր դոլարներ են բերում: Այս մասին գրում է Lenta-ն՝ վկայակոչելով Reuters-ը:
Բացի այդ, ահաբեկիչները բարեբեր հողերի եւ ընտանի թռչունների հարկ են սահմանել:
