ՆԱՏՕ-ում ռուսաֆոբ փոքրամասնությունն այն բանից հետո, երբ Դաշինքը փորձում էր իր գոյության իմաստը գտնել աֆղանական արշավի մեջ եւ չկարողացավ դա անել, ուզում է օգնել միավորել այն հակառուսական կղզու շուրջ՝ Ռուսաստանին ներկայացնելով որպես սպառնալիք բոլորին։ Այս մասին շվեդական «Դագենս Նյուխետեր» թերթին տված հարցազրույցում ասել է ՌԴ ԱԳ նախարար Սերգեյ Լավրովը։
Նրա խոսքով՝ նման պայմաններում Ռուսաստանը «բացարձակապես համաչափ» է արձագանքում։
«Մենք միշտ նախազգուշացրել ենք, որ Դաշինքը դեպի Արեւելք ընդլայնելու գիծը տանելով պետք է հասկանաք, որ եթե ռազմական ենթակառուցվածքը մոտենա ռուսական սահմաններին, ապա մենք անհրաժեշտ ռազմատեխնիկական միջոցներ ենք ձեռնարկելու։ Ինչպես ասվում է՝ ոչ միա ավելորդ բան, միայն բիզնես»,- ասել է Լավրովը։
Նրա կարծիքով ՆԱՏՕ-ն Ուկրաինայի դեպքերից դեռ շատ առաջ ուզում էր ազատ պահել իր ձեռքերը մեր սահմաններին մոտենալու համար։
Անդրադառնալով հարցին, թե ինչ քայլեր կձեռնարկի Ռուսաստանը, եթե Շվեդիան որոշի անդամակցել ՆԱՏՕ-ին, Լավրովը նշել է, որ Ռուսաստանը հյուսիսային սահմաններում ստիպված է լինելու անհրաժեշտ ռազմատեխնիկական միջոցներ ձեռնարկել՝ ելնելով նրանից, որ սահմանից այն կողմ ռազմաքաղաքական բլոկ է գործում, որը Ռուսաստանին սպառնալիք է համարում եւ ուզում է զսպել նրան։
