Չինաստանի քաղաքացին մահացել է Hainan Airlines ավիաընկերության ինքնաթիռում, որն իրականացնում էր Պեկին-Պրահա չվերթը: Արտակարգ ծառայություններում «Ինտերֆաքսի» աղբյուրի խոսքով, օդաչուն Մոսկվայում վայրէջք է խնդրել, որովհետեւ ուղեւորներից մեկն իրեն վատ է զգացել:
«Ինքնաթիռի հրամանատարից ազդանշան է եկել, երբ այն Ռժեւից ոչ հեռու էր գտնվում: Դիսպետչերները համաձայնություն են տվել Շերեմետեւոյում արտակարգ վայրէջքի համար», — նշել է գործակալության զրուցակիցը:
Նրա խոսքով, վայրէջքից հետո ինքնաթիռ են բարձրացել բժիշկներ, որոնք արձանագրել են ուղեւորի մահը: