Հայաստանում նոր կուսակցությունները պետք է կարողանան իրենց քաղաքական հայտերը ու ծրագրերը ներկայացնել: Այս մասին ապրիլի 29-ի մամուլի ասուլիսի ժամանակ հայտնել է «Ժառանգություն» խմբակցության պատգամավոր Թեւան Պողոսյանը:
Նրա խոսքով, եթե խոսենք Հայաստանում նորաստեղծ կուսակցությունների մասին, ապա թերեւս պետք է առանձնացնել Նիկոլ Փաշինյանի «Քաղաքացիական պայմանագիրը», Էդմոն Մարուքյանի «Լուսավոր Հայաստանը», Տիգրան Ուրիխանյանի «Դաշինքը» ու Վարդան Օսկանյանի «Համախմբումը»: «Այս չորս կուսակցությունները պետք է կարողանան իրենց հայտերը ներկայացնել: Մենք այդ կուսակցությունների մասին դեռ դատում ենք նրանց ղեկավարների անձերով: Այդ մշակույթը պետք է փոխվի: Նրանք պետք է ներկայացնեն ծրագրեր ու խնդիրների լուծման համար համապատասխան մեխանիզմներ»,- ասել է Պողոսյանը:
