Վանաձորում այսօր՝ ապրիլի 29-ին, զինվորական կարգով հողին են հանձնել արցախա-ադրբեջանական շփման գծում զոհված 19-ամյա Հայկ Մինասյանին:

Հայկին հուղարկավորել են Վանաձորի գերեզմանատանը: Նրա թաղման արարողությանը ներկա են եղել ԶՈւ բարձրաստիճան սպաներ, ծառայակից ընկերնեը, պաշտոնյաներ ու հարազատներ:

Ավելի վաղ NEWS.am-ը տեղեկացրել էր, որ հակառակորդի կողմից ձեռնարկված գործողությունների հետեւանքով ապրիլի 26-ին մահացու վիրավորում ստացած ՊԲ զինծառայող Հայկ Մինասյանը Վանաձորից էր: 19-ամյա երիտասարդն ընտանիքի փոքր երեխան էր՝ իրենից մեծ երեք քույր ունի: Նա ավարտել էր Վանաձորի թիվ 5 դպրոցը: