Ուկրաինայի նախագահ Պյոտր Պորոշենկոն պաշտոնից ազատել է Արտաքին հետախուզության ծառայության պետ Վիկտոր Գվոզդին:
Գվոզդը Արտաքին հետախուզության ծառայությունը ղեկավարել է 2014-ի փետրվարի 27-ից: Մինչ այդ, նա աշխատել է Ուկրաինայի Պաշտպանության նախարարությունում եւ ՄԱԿ-ին կից երկրի ներկայացուցչությունում: Ուկրաինայի արտաքին հետախուզության նոր ղեկավարի անունն առայժմ չեն հայտնում:
Աղբյուրները հայտնել են նաեւ, որ Պորոշենկոն աշխատանքից ազատել է նաեւ Լուգանսկի մարզային ռազմաքաղաքացիական վարչակազմի ղեկավար Գեորգի Տուկային:
Ուկրաինական մի շարք ԶԼՄ-ներում Լուգանսկի ՄՌՔՎ-ի ղեկավարի պաշտոնի հնարավոր թեկնածուների թվում հայտնում են «Պյոտր Պորոշենկոյի բլոկ» խմբակցության պատգամավոր, Լուգանսկի մարզում ծնված Յուրի Գարբուզի անունը: