Բրյուսելում ահաբեկչական գործողությունների համար մեղադրվող Օսամա Կրայեմը քննիչներին պատմել է, որ ձերբակալվելուց առաջ զուգարանում պայթուցիկ է պայթեցրել, հայտնում է Derniere heure թերթը:
Կրայեմի պայուսակը մինչ այժմ չի հայտնաբերվել: Շվեդը պնդում է, որ ՏԱՏՐ պայթուցիկ նյութը (ացետոնի գերօքսիդ) տարրալուծել է վարձով բնակարանի զուգարանում:
Շվեդիայի քաղաքացին, որին նկատել էին ԱԿ-ի տեսագրության մեջ, որտեղ նա գնում էր այն պայուսակները, որոնք հետագայում օգտագործվել էին Բրյուսելի օդանավակայանում պայթյուններ իրականացնելիս, մետրոյում ինքնապայթեցում չէր կատարել:
ՌԵՆ ՏՎ-ն նշում է, որ մեղադրյալ Կրայեմը երկրորդ ահաբեկիչն էր, որը Խալիդ էլ-Բաքրաուիին ուղեկցել էր «Մալբեկ» կայարանում վերջինիս ինքնապայթեցումից մի քանի րոպե առաջ:
Մարտի 22-ի առավոտյան Բելգիայի մայրաքաղաքում մի շարք ահաբեկչական գործողություններ էին տեղի ունեցել: Օդանավակայանում եւ մետրոյում պայթյուններից 32 մարդ էր զոհվել, ավելի քան 300-ը վնասվածք էր ստացել: