Տաջիկստանում պաշտոնապես արգելել են ռուսական «-ով», «-ովա», «-ովիչ» եւ «-ովնա» վերջավորություններով ազգանուններն ու հայրանունները: Այդ մասին ուրբաթ` ապրիլի 29-ին «Ռադիո Օզոդի»-ին հայտնել է Քաղաքացիական դրության ակտերի գրանցման մարմինների ղեկավարի տեղակալ Ջալոլիդդին Ռահիմովը:
Նա նշել է, որ այն բնակիչների հետ, որոնք ուզում են իրենց երեխաների համար պահպանել ռուսականացված ազգանունները, բացատրական աշխատանքներ են վարվում:
Նրա խոսքով, այսուհետ ընտանիքները կձեւավորվեն տաջիկական` «զոդ», «զոդա», «ի», «իեն» եւ «ֆար» վերջավորությունների միջոցով:
Երկրի օրենսդրության մեջ համապատասխան փոփոխությունները հանրապետության ստորին պալատի կողմից հաստատվել են հունվարին: Նոր նորմերը վերաբերում են միայն տաջիկական ազգությամբ քաղաքացիներին, մնացածներն իրավունք ունեն իրենց երեխաներին անուն տալ իրենց ավանդույթներին համապատասխան:
Տաջիկստանում ազգանունների ազգային գրության օգտին արշավն ավելի վաղ սկսել էր երկրի նախագահ Էմոմալի Ռահմոնը: 2007-ին նա հանդես է եկել` կոչ անելով «վերադառնալ մշակութային արմատներին» եւ վերականգնել ազգանունները հոր անունով գրելու սովորությունը, որը գոյություն է ունեցել մինչեւ խորհրդային իշխանությունը: