Թուրքական դատախազությունը 15 տարվա ազատազրկում է պահանջում Դինքի սպանության գործով կասկածյալ պետական պաշտոնյաների դեմ հետաքննությունը արգելակած հատուկ քննիչի համար։
Թուրքական Diken պարբերականի փոխանցմամբ՝ Դինքի սպանության գործով կասկածյալ պետական պաշտոնյաների դեմ հետաքննությունը արգելակած հատուկ քննիչի դեմ կազմված մեղադրական զեկույցում բողոքող կողմ են ներկայացված Դինքի կինը, եղբայրը, որդին եւ դուստրերը։
Մեղադրական զեկույցում հատուկ քննիչ Մեհմեդ Ալի Օզքըլընչի համար պահանջվում է 15 տարի ազատազրկում։
Դինքի սպանության գործը քննող դատարանը առաջիկա օրերին հայտնելու է հիշյալ մեղադրականը ընդունելու կամ մերժելու մասին։