Մարտի 22-ին Բրյուսելի միջազգային օդանավակայանում ահաբեկչության հետեւանքով տուծածները հարազատների եւ Կարմիր Խաչի աշխատակիցների ուղեկցությամբ այցելել են օդանավակայանի այն սրահ, որտեղ ահաբեկիչները պայթեցրել էին իրենց:
Ավելի քան հարյուր տուժածները ցանկություն են հայտնել ողբերգության վայրում անձամբ հանդիպել եւ երախտագիտություն հայտնել իրենց օգնություն ցուցաբերած փրկարարներին ու ոստիկաններին: Այս մասին գրում է ՌԻԱ Նովոստին՝ վկայակոչելով RTBF հեռուստաալիքը:
Անցյալ շաբաթ նման միջոցառում է անցկացվել նաեւ Բրյուսելի մետրոյում տուժածների համար:
Հիշեցնենք, որ մարտի 22-ին Բրյուսելի օդանավակայանում եւ մետրոյի կայարանում տեղի ունեցած ահաբեկչություների հետեւանքով 35 մարդ է զոհվել, ավելի քան 300-ը՝ վիրավորվել: Հարձակումների պատասխանատվությունը ստանձնել է «Իսլամական պետություն» ահաբեկչական խմբավորումը: