Նոր Զելանդիայի բնակչուհին Օքլենդ քաղաքի գրադարան է վերադարձրել Ա.Վ.Ռիդի «Մաորի երկրի առասպելներն ու լեգենդները» գիրքը, որը վերցվել է 1948 թվականին: Այս մասին գրում է The Guardian-ը:
Գրադարանի աշխատակցուհի Զոյ Կոռնելիուսի խոսքով, թոշակառու կինը, որի անունը չի հաղորդվում, գիրքը վերցրել է դեռեւս դպրոցական տարիներին: «Նա պատմեց, որ այս տարիների ընթացքում մեծ հաճույքով մի քանի անգամ վերընթերցել է գիրքը»,- ասել է Կոռնելիուսը:
Գրադարանի ղեկավարությունը ներել է 17 հազար դոլարի չափով պարտքը:
Ըստ Lenta-ի, 2016 թվականի մարտին էլ ԱՄՆ Օհայո նահանգի Դեյթոնի համալսարանի նախկին ուսանողը գրադարան էր վերադարձրել 49 տարի առաջ վերցրած խաչակրաց արշավանքների մասին գիրքը: