Մեքսիկայի իշխանությունները ձերբակալել են ավելի քան 73 տաքսիստների, որոնք արգելափակել էին Մեխիկոն եւ Ակապուլկոն իրար միացնող ավտոմայրուղին, հաղորդում է «Ասոշեյթեդ Փրեսը»:
Գործակալության փոխանցմամբ, ակցիայի մասնակիցները պահանջել են ուժեղացնել անվտանգության միջոցառումները տարածաշրջանում: Նրանց մի մասը նաեւ դեմ է արտահայտվել կակաչի դաշտերի քիմիական մշակմանը, քանի որ, ըստ լրատվամիջոցների, վտանգավոր քիմիկատներն աղտոտում են մոտակա ջրամբարները:
Ցույցի որոշ մասնակիցներ շտապել են թաքնվել ոստիկանների ժամանումից հետո։ Իրավապահները լքված ավտոմեքենաներում հայտնաբերել են հրացաններ եւ կոկաինով պայուսակ: Այս մասին հայտնել է տեղի ոստիկանապետը: Նրա խոսքով՝ ցուցարարների հետ բախումների ժամանակ 4 ոստիկան է տուժել։