Գերմանիայի, Ֆրանսիայի, Ավստրիայի, Բելգիայի, Դանիայի ու Շվեդիայի իշխանությունները կողմ են արտահայտվել՝ սահմանների մասին Շենգենյան օրենսգրքով նախատեսված կանոնների շրջանակում սահմանների հսկողության ժամկետը մայիսի կեսից կես տարով երկարացնելուն, հայտնում է «ՌԻԱ Նովոստին»:
Համապատասխան առաջարկը գրավոր ձեւով ուղարկվել է Եվրահանձնաժողովի առաջին նախագահ Ֆրանց Տիմերմանսին ու ներքին գործերի ու միգրացիայի հարցերով եվրահանձնակատար Դիմիտրիս Ավրամոպուլոսին: Մասնավորապես երկրները առաջարկել են առնվազն կես տարով երկարացնել սահմանային հսկողությունը, ինչը թույլ կտա ավելի լավ հսկել միգրանտների հոսքերը:
Եվրահանձնաժողովը գալիք շաբաթ կարող է հաստատել այս միջոցառման ներդրումը, նշում է պարբերականը:
Եվրոպայում հիմա Երկրորդ համաշխարհային պատերազմի ժամանակներից խոշորագույն միգրացիոն ճգնաժամ է, որի պատճառն առաջին հերթին Մերձավոր արեւելքի ու Հյուսիսային Աֆրիկայի երկրներում մի շարք զինված հակամարտություններն ու տնետսական խնդիրներն են: ԵՄ Frontex սահմանամերձ գոծակալության տվյալներով, 2015-ին ԵՄ է ժամանել 1.8 մլն միգրանտ: Գերմանիայի ՆԳՆ տվյալներով 2015-ին Գերմանիա է ժամանել ավելի քան մեկ միլիոն փախստական: