Լեռնային Ղարաբաղի բնակչության դեմ Ադրբեջանի ագրեսիան պետք է հասցեական դատապարտման արժանանա: Այս մասին հայտնել է Հայ առաքելական եկեղեցու կանադական թեմի առաջնորդ Աբգար Հովակիմյանը Կանադայի արտգործնախարար Ստեֆան Դիոնի հետ հանդիպման ժամանակ:
Ֆրանսիայի Nouvelles d’Armenie հայկական պարբերականը հայտնում է, որ եպիսկոպոս Հովակիմյանը նեկայացրել է ադրբեջանական ուժերի վայրագությունները Ղարաբաղում խաղաղ բնակչության՝ այդ թվում երեխաների դեմ:
Միայն հակամարտության արդարացի ու երկարաժամկետ լուծումը կարող է խաղաղություն բերել, ասել է Հովակիմյանը՝ կոչ անելով Կանադայի իշխանություններին հարգանք դրսեւորել Լեռնային Ղարաբաղի ժողովրդի ազատ կամարտահայտման նկատմամբ:
Վերջում նա նշել է Հայաստանում Կանադայի դեսպանատուն բացելու անհրաժեշտությունը, նաեւ նախարարին կոչ է արել Հայաստան այցելել:
