Բուլղարական Պլովդիվ քաղաքում հրդեհի հետեւանքով այրվել է XVI դարի թուրքական բաղնիքը Օրթա մեզարում, հայտնում է Բուլղարական Ազգային Հեռուստատեսության Երկրորդ ալիքը (ԲԱՀ):
Այն հնարավոր է վերականգնել, եթե պատասխանատու պետմարմինները հավանություն տան դրա վերականգնման նախագծին:
Անհեթեթություն է, բայց Պլովդիվի շատ քաղաքացիներ միայն հրդեհից հետո են իմացել, որ XVI դարի հուշարձան է տուժել, նշում է ԲԱՀ-ն:
Շենքը մի քանի սեփականատեր է փոխել եւ պետք է մտածել, թե ինչպես կարելի է պահպանել այն, այդ թվում` մշակութային նպատակներով: Օրինակ, Պլովդիվում մեկ ուրիշ հին թուրքական բաղնիք` Չիֆթեն օգտագործվում է որպես ժամանակակից արվեստի թանգարան, նշում է հեռուստաալիքը:
Մայիսի 4-ին հեռուստաալիքի եթերում հարցի լուծման ուղիներ կհնչեցնեն գործարարներ, պատմաբաններ եւ ճարտարապետներ: