Իրաքի ԶՈւ «Բաղդադ» օպերատիվ շտաբն ապրիլի 30-ին հայտնել է, որ փակում է դեպի մայրաքաղաք բոլոր անցակետերը: Հրամանատարությունից հայտնել են, որ ցանկացողները կարող են հեռանալ քաղաքից:
«Բաղդադի բոլոր անցակետերը փակ են, թույլատրվում է միայն դուրս գալ քաղաքից»,- ասված է հայտարարության մեջ, որում նաեւ նշվում է, որ քաղաքում արտակարգ իրավիճակի ռեժիմ է հայտարարվել, փոխանցում է ՏԱՍՍ-ը:
Իրաքում շիա առաջնորդ Մուկթադա Աս Սադրի հարյուրավոր համախոհներ ճեղքել են Բաղդադում խորհրդարանի շենքի խստացված հսկողության գոտին, իսկ որոշ ցուցարարներ կարողացել են մտնել խորհրդրանի շենք:
Ապրիլի 30-ին խորհրդարանում ընթանում էր նոր կառավարության կազմի շուրջ քվեարկությունը, սակայն նիստը հետաձգվել է մինչեւ մայիսի 3-ը: Ցուցարարները դժգոհ են եղել այդ որոշումից: