ԱՄՆ նախագահ Բարաք Օբաման իր նախագահության օրոք այդպես էլ չկարողացավ ահաբեկչության դեմ պայքարի ռազմավարություն մշակել: Նման կարծիք է հայտնել Սենատի՝ զինված ուժերի հանձնաժողովի նախագահ, հանրապետական Ջոն Մաքքեյնը, փոխանցում է ՏԱՍՍ-ը:
«Ցավոք, պարզ դարձավ, որ այս նախագահը ոչ մի ռազմավարություն չունի, որը կարող է կանգնեցնել աշխարհում տիրող քաոսն եւ արյունոտ բախումները: Մերձավոր Արեւելքում խնդիրներն այդպես էլ չեն կարգավորվել»,- ասել է նա:
ԻՊ-ի դեմ գործողություններին Օբամայի արձագանքը նա համարել է դանդաղ եւ ոչ համաչափ: «Ռազմավարական մակարդակում ամեն բան այնպես է երեւում, որ մենք միշտ մեկ քայլ առաջ ենք եւ գործում ենք շատ ուշ եւ թույլ»,-ասել է նա:
Սենատորը, որը Հանրապետական կուսակցության անունից հանդես է եկել ամերիկացիներին հղված ուղերձում, նշել է, որ Օբամայի նախագահության օրոք ԱՄՆ-ը հանգստանում էր ամերիկյան առաջատարությունից:
Մաքքեյնը Օբամային նաեւ մեղադրել է Ուկրաինային պաշտպանության համար մահաբեր զենք այդպես էլ չմատակարարելու մեջ:
