Femen շարժման մի քանի կիսամերկ ակտիվիստներ ակցիա են անցկացրել Մայիսի 1-ի առիթով «Ազգային ճակատ» կուսակցության նախաձեռնած տոնական միջոցառումից առաջ: Այս մասին գրում է ՌԻԱ Նովոստին՝ վկայակոչելով BFMTV հեռուստաալիքը:
Աղբյուրի համաձայն, մինչեւ գոտկատեղը մերկ եւ ոսկեգույն կարճ կիսաշրջազգեստով աղջիկները «Կեցցե՛«Ազգային ճակատի» վերջը» գոչյունով շամպայն են բացել այն շենքի առջեւ, որտեղ տեղի է ունենալու տոնական միջոցառումը: Իրավապահներն ընդհատել են ակցիան:
«Ազգային ճակատը» ֆրանսիական կուսակցություն է, որը հանդես է գալիս պահպանողական արժեքների, միգրացիայի սահմանափակման օգտին եւ դեմ է եվրաինտեգրմանը:
