50 տարվա մեջ առաջին անգամ ԱՄՆ-ից Կուբա զբոսանավ կմեկնի, հայտնում է Channel News Asia-ն։ Carnival ընկերության ընկերության Adonia զբոսանավը, որը խարիսխ է գցել Մայամիում, ծով դուրս կգա մայիսի 2-ին՝ ժամը 15։30-ին (Երեւանի ժամանակով ժամը 23։30) եւ տախտակամածի վրա կունենա 700 ուղեւոր։
Սա երկու երկրների միջեւ մշակութային փոխանակման նպատակով կազմակերպած՝ Carnival ընկերության նախաձեռնած առաջին ճանապարհորդությունը կլինի։ Ենթադրվում է, որ ուղեւորություններ կկազմակերպվեն ամսական երկու անգամ։ Տոմսի արժեքը 1800-7000 դոլար է։
Ուղեւորության ընթացքում Հավանա, Սանտյագո դե Կուբա եւ Սիենֆուեգոսե նավահանգիստներում մշակութային միջոցառումներ են պլանավորվում։
Անցյալ շաբաթ Կուբայի կառավարությունը հանել էր ԱՄՆ-ի հետ ծովային հաղորդակցման սահմանափակումները։ ԱՄՆ-ում դեպի Կուբա կանոնավոր զբոսաշրջությունը դեռ արգելքի տակ է, բացառությամբ մշակութային ճանապարհորդությունների։